Komisioneri Hahn nuk ka kohë të takojë Listën Serbe

14:55 | 3 Dhjetor 2018
arbresh.info

Komisioneri i Bashkimit Evropian për Fqinjësi të Mirë dhe  Negociata të Zgjerimit, Johanes Hahn, nuk do të takojë përfaqësuesit e Listës Serbe.

Kështu bëjnë të ditur burime nga Brukseli zyrtarë për arbresh.info.

“Komisioneri Hahn nuk ka kohë t’i takojë,” shprehet shkurt ky burim.

Deputetët e Listës Serbe për më shumë se 25 orë po qëndrojnë në ambientet e Kuvendit të Kosovës për të pritur një takim me komisionerin Hahn.

Paradite ata i ka vizituar ambasadorja e BE-së në Kosovë, Nataliya Apostolova.

Deputetët e Listës Serbe duan ta takojnë Hahnin për ta informuar, siç thonë ata, për “gjendjen dhe krizën e mundshme humanitare më të cilën populli serb po përballet nëse tarifat nuk tërhiqen”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm